Дар нишасти матбуотии раиси шаҳри Истаравшан натиҷаҳои фаъолияти мақомоти сабти асноди ҳолати шаҳрвандӣ дар нимсолаи аввали соли 2026 мавриди баррасӣ қарор гирифт.

Тибқи маълумоти пешниҳодшуда, дар шаш моҳи аввали соли 2026 дар шаҳри Истаравшан 745 адад ақди никоҳ ба қайд гирифта шудааст. Ин нишондиҳанда нисбат ба ҳамин давраи соли гузашта 85 адад кам мебошад.

Дар баробари ин, дар давраи ҳисоботӣ дар шаҳр 3007 ҳолати таваллуд ба қайд гирифта шудааст. Мувофиқи маълумоти мақомоти сабти асноди ҳолати шаҳрвандӣ, ин нишондиҳанда нисбат ба ҳамин давраи соли гузашта 63 ҳолат кам мебошад. Бо вуҷуди коҳиши нисбӣ, теъдоди бақайдгирии таваллуд дар шаҳр ҳанӯз ҳам аз се ҳазор ҳолат бештар буда, нишондиҳандаи муҳими вазъи демографии аҳолӣ ба ҳисоб меравад.

Ҳамзамон, дар нимсолаи аввали соли 2026 дар шаҳри Истаравшан 470 ҳолати фавт ба қайд гирифта шудааст. Ин рақам нисбат ба ҳамин давраи соли гузашта 83 ҳолат кам мебошад. Яъне, дар муқоиса бо соли гузашта шумораи шаҳрвандони фавтида коҳиш ёфтааст.

Дар ин давра инчунин 116 адад бекоршавии ақди никоҳ ба қайд гирифта шудааст. Шумораи бекоршавии никоҳ нисбат ба ҳамин давраи соли гузашта 25 адад кам мебошад.

Дар маҷмуъ, таҳлили нишондиҳандаҳои шашмоҳаи аввали соли 2026 нишон медиҳад, ки дар шаҳри Истаравшан нисбат ба ҳамин давраи соли гузашта ҳам шумораи ақди никоҳ, ҳам таваллуд, ҳам фавт ва ҳам бекоршавии ақди никоҳ коҳиш ёфтааст.

Абдуғаффор ШОДИЕВ