Кормандони милитсия дар вилояти Суғд як марди 34-соларо бо гумони қасдан расонидани зарари вазнин ба саломатии ҳамсараш боздошт намудаанд. Дар ин бора Вазорати корҳои дохилии кишвар хабар додааст.
Боздоштшуда сокини ноҳияи Бобоҷон Ғафуров буда, рӯзи 30-юми августи соли равон байни ӯ ва ҳамсари 32-солааш ҷангу ҷанҷол сар задааст. Дар рафти моҷарои оилавӣ мард бо дос 3 маротиба ба сари занаш задааст. Зан бо ҷароҳатҳои вазнини ҷисмонӣ ба беморхона интиқол дода шуда, нисбати мард бо қисми 1-и моддаи 110-и КҶ ҶТ парвандаи ҷиноятӣ оғоз карда шудааст.
Тафтишоти қазия аз ҷониби мақомот идома дорад.
