Дар Тоҷикистон имрӯз, 13-уми октябр заминларза бо магнитудаи 4,5 рух дод. Дар ин бора Маркази сейсмологии Аврупову Баҳри Миёназамин (EMSC) хабар додааст.
Ба иттилои манбаъ, заминларза соати 14:41 ба вақти маҳаллӣ ба қайд гирифта шудааст. Маркази заминларза дар масофаи 35 километр аз шаҳри Душанбе ва 14 километр аз шаҳри Ваҳдат ҷойгир буда, манбаи он дар умқи 79 километр қарор доштааст.
То замони интишори хабар дар бораи оқибатҳои эҳтимолии заминларза ва хисороти он маълумоти расмӣ пешниҳод нашудааст.
