Вақте ки соли гузашта бемор шудам духтур истеъмоли якчанд антибиотикҳоро тавсия намуд. Аммо баъди истеъмоли антибиотикҳо ба бемории шикамравӣ мубтало гардидам. Шояд бе антибиотикҳо ҳам шифо ёфтан мумкин буд? Дигар антибиотикҳоро истеъмол кардан намехоҳам. Чӣ бояд кард?
Содиқбек, н. Сино

Маслиҳатхонаи «Сино»:
Агар ба шумо антибиотикҳоро духтури табобатиатон тавсия карда бошад, худсарона онро бо дорувории дигар иваз нанамоед. Даври табобатро бо антибиотикҳо танҳо мутахассис муайян мекунад. Аз мушкилоти худ духтурро огоҳ созед, то ӯ аниқ намояд, ки омилҳои терапияи зиддибактериалиро ба миён оваранда кадомҳоянд. Диарея (шикамравӣ) он гоҳ ба амал меояд, ки антибиотик дар баробари инфексияи бемориовар флори лозимии рӯдаҳоро нобуд созад. Барои аз дисбактериоз эмин мондан, аз рӯзҳои аввал бо антибиотикҳо дорувории табииро истеъмол кунед.