Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ба Маҷлиси Олӣ изҳор доштанд, ки бояд ҷиҳати таъмини аҳолӣ бо интернети баландсуръат ва рушди зерсохтори телекоммуникатсионӣ тадбирҳои зарурӣ андешида шаванд.

Аз ҷумла, навсозии хатҳои нахи оптикии байнишаҳрӣ ва тавсеаи каналҳои алоқаи байналмилалӣ шарт ва зарур мебошад.

Сарвари давлат ба Хадамоти алоқа дастур доданд, ки Стратегияи рушди алоқаи Тоҷикистон то соли 2040-ро таҳия ва ба ҳукумат пешниҳод намоянд.