Федератсияи байналмилалии футбол (ФИФА) рӯйхати расмии доваронро барои ҳакамии бозиҳои байналмилалӣ дар соли 2026 нашр кард.

Бино ба иттилои ТВ “Варзиш”, дар муқоиса бо соли гузашта, квотаи доварон барои Тоҷикистон зиёд карда шудааст. Ба рӯйхати ФИФА 18 намояндаи кишвари мо шомил гардиданд - ҳафт довари ФИФА, ҳашт ёвари довари ФИФА ва ду довари футзали ФИФА.

Илова бар ин, чор довари тоҷик – Гулмуроди Саъдулло, Абдулло Давлатов, Амирҷон Хоркашев ва Зуҳал Хуҷаназарова ба рӯйхати расмии видеодоварони ФИФА шомил гарида, ҳақ доранд бозиҳои байналмилалиро ҳамчун VAR ҳакамӣ кунанд.

Феҳристи расмии доварони тоҷик барои ҳакамии бозиҳои байналмилалӣ дар соли 2026 чунин аст:

Доварони ФИФА: Гулмуроди Саъдулло (Душанбе), Насрулло Кабиров (Норак), Сайёдҷон Зайниддинов (Душанбе), Абдулло Давлатов (Шаҳринав), Амирҷон Хоркашев (Душанбе), Нодира Мирзоева (Душанбе), Наталя Сотникова (Душанбе).

Ёварони ФИФА: Акмал Буриев (Турсунзода), Хусрави Сиддиқзод (Душанбе), Ҳасан Каримов (Норак), Фарҳод Куралов (Душанбе), Вафо Қараев (Шаҳринав), Исмоил Нуралиев (Норак), Ғайрат Рӯзибоев (Шаҳринав), Дилшода Раҳмонова (Душанбе).

Доварони ФИФА аз футзал: Суҳроб Сатторов (Турсунзода), Сафаралӣ Маҳмадизода (Душанбе).

Видеодоварон: Гулмуроди Саъдулло (Душанбе), Абдулло Давлатов (Шаҳринав), Амирҷон Хоркашев (Душанбе), Зуҳал Хуҷаназарова (Душанбе).