Тими миллии ҷавонони футболбози Тоҷикистон (U-17) бозии аввалини санҷишиашро дар доираи омодагиҳо ба қисми финалии мусобиқоти “Ҷоми Осиё-2025” бо комёбӣ ҷамбаст намуд. Футболбозони ҷавони тоҷик дар аввалин бозии санҷишӣ бар тими Туркия ғалаба ба даст оварданд.
Футболбозони ҷавони тоҷик барои омодагӣ ба “Ҷоми чаҳон-2025” дар Туркия машқу тамрин карда истодаанд. Дар бозии аввалини санҷишӣ тими ҷавонони футболбози тоҷик (U-17) бар «Манавгат Беледиеспор» (U-19)-и Туркия бо ҳисоби 1:0 ғалаба ба даст овард. Голи ягонаро дар ин бози Фирӯзҷон Шарипов задааст.
Пагоҳ, 17-уми январ тими футболбозони ҷавони тоҷик (U-17) бо дастаи футболи “Шахтёр”-и Украина рақобат мекунад. Рӯзи 21-уми январ онҳо бо тими Қувайт қувваозмоӣ намуда, санаи 23-юми январ бо дастаи Краснодар бозӣ мекунанд.
