Маҳсулоти лозима:

Гандум, нахӯд, лӯбиё, наск, мушунг, мош, гӯшт, олучаи хушк, кабудӣ.

Тарзи таҳия:

Аввал гандумро шуста, дар уғурак кӯфтан лозим аст. Баъдан ба деги калон об андохта, ба он гандуму гӯшт ва нахӯд, лубиё, наск, мушунг, мош, олучаи қоқро илова намоед.

Хӯрокро дар оташи паст ҷӯшонидан лозим аст, то аз шираи ғалладонагиҳо қиёми на он қадар сахт ҳосил шавад. Пас аз пухтани он, ба болояш гашнич, пиёзи кабуд ва мурчу қаланфур андохта, нӯши ҷон намоед.