Ҳафиза Шарипова модари 4 фарзанди ноболиғ буда, дар маҳаллаи Тобеки ҷамоати деҳоти Лаҳури ноҳияи Рӯдакӣ зиндагӣ мекунанд. Кӯдаконаш хурд буданд, ки шавҳараш ба муҳоҷират рафта дигар барнагашт.

Бори вазнини зиндагӣ бар души Ҳанифа афтод, на сарпаноҳе дошт, на манбаи даромад, аз ин рӯ тасмим гирифт ,ки барои фарзандонаш кулбаяке бино кунад. Бо ҳамин мақсад ба Русия рафта, зиёда аз 10 сол фаррошию табақшӯӣ кард ва як порча замин харида, хона сохту бачаҳояшро аз хонаи хешу табор ҷамъ карда овард,аммо душвориҳои зиндагӣ ӯро боз ба Русия бурданд.
Дар ин миён ҳодисае рӯй дод, ки модар ҳеҷ интизр набуд-духтараш Хатича ба бемории рӯҳӣ гирифтор гашт ва дар ҳоли бехудӣ хонаро оташ зад.
Духтари Ҳанифа-Хадича ҳамагӣ 13 сол дорад ва мегӯяд ҷинаш ба вай фармон додааст, ки хонаро оташ занад.
Муддати 5 сол аст, ки Хадича аз бемории рӯҳӣ азият мекашад. Аз як тараф алами хонаи ба коми оташ рафтаю аз ҷониби дигар ғами фарзанди маризаш модарро ғамбемор ва бармаҳал пир кардааст. Ҳанифа ҳайрон аст, ки аз куҷо пул ёфта, боми хонаи сӯхтаашро аз нав пӯшонад. Каму беш ҳамдеҳагон барояш кӯмак мерасонанд, вале бо ин пулҳо хонаи сӯхтаро таъмир карда намешавад.
Инак, сарнавишти талхи Ҳанифаро аз забони худаш манзури шумо мегардонем ва умед мебандем, ки дар моҳи мубораки Рамазон муштариёни Оила. ТҶ ба ин зани тоҷик дасти мадад дароз менамоянд.
Шумо метавонед хайри худро ба корти бонкии Душанбе Сити: 9762-0000-2543-7269, ки ба рақами 552-552-128 пайваст аст ва ё корти бонки Эсхата 63746-000-0000-9549- 426 гузаронед, ки ба рақамҳои 93-862-87-88 пайваст мебошад.