Раиси шаҳри Хуҷанд Фирдавс Шарифзода дар арафаи соли нави хониш ба 25 нафар кӯдакони ятими кулл сарулибос ва лавозимоти мактабӣ тақдим намудааст.
Бино ба иттилои дафтари матбуоти раиси шаҳри Хуҷанд, таъкид шудааст, ки дастгирии ятимону бепарасторон ва нафарони дорои имконияти маҳдуд дар меҳвари сиёсати иҷтимоии Ҳукумати Ҷумҳурии Тоҷикистон қарор дошта, ҳамеша ба онҳо кумакҳои моддию маънавӣ расонида мешавад.
- Ин иқдом имкон медиҳад, ки шароити нигоҳубин, таълиму тарбия ва рушди кӯдакону наврасони ятим беҳтар гардида, онҳо таҳти ғамхории давлату Ҳукумат ба камол расида, дар оянда ҳамчун шахсони комилҳуқуқи ҷомеа ба ҳаёти мустақилона қадам гузоранд,- меафзояд манбаъ.
