Имрӯз дар Литсейи инноватсионии «Ҷавонӣ»-и шаҳри Хуҷанд маросими истиқболи идонаи ғолибони Олимпиадаи ҷумҳуриявии фаннӣ баргузор гардид.
Бино ба иттилои МИҲД-и шаҳри Хуҷанд, хонандаи синфи 10-уми литсей, барандаи Стипендияи Президентӣ Шоистахон Мухторова аз фанни забони англисӣ, хонандаи синфи 9 Некрӯз Нуров аз фанни забони англисӣ ва Абдуҳаким Раззоқзода аз фанни технологияҳои иттилоотӣ дар даври ҷумҳуриявии олимпиадаи фаннӣ ғолиб омада, ҳарсе мақомҳои ифтихорӣ, яъне сазовори ҷойи 3-юм ва медали биринҷӣ гардидаанд.
Аз ҷониби литсей ба хонандагон Ифтихорнома ва туҳфаҳои арзишманд, инчунин ба волидайни онҳо Сипосномаи муассиса супорида шудааст.
