Примадонаи саҳнаи тоҷик Сурайё Қосимова натанҳо дар санъати овозхонӣ, балки дар ҳунари кадбонугӣ низ ҳамто надорад.
Ин зани панҷ панҷааш ҳунар тарзи пухтани мастобаро ба мо нақл кард. Ин таоми миллӣ бисёр болаззат буда, барои рӯзадорон роҳати ҷон аст.
Мехоҳед мазаи мастобаи Сурайёро чашед? Пас, мутаваҷҷеҳ бошед!
Маҳсулоти лозима:
108г гӯшти гӯсфанд
равғани гӯсфанд
30г биринҷ
100г картошка
25г сабзӣ
24г пиёз
30г шалғам
помидор
кабутӣ
чакка
Тарзи таҳия:
Гӯштро пора карда, дар равғани тасфон сурх кунед, сипас пиёз, сабзӣ ва шалғами чоркунҷа резашударо андохта дар оташи паст зирбонед. Ба дег помидор ё қайлаи помидор андохта боз 5 дақиқа бирён кунеду баъдан ба зирбак об резед. Пас аз ҷӯшиданаш биринҷи шустаро андозед. 15-20 дақиқа қабл аз пухтани мастоба ба он картошкаи чоркунҷа резашударо андохта, намаку мурч пошед. Мастобаро бо чакка истеъмол намоед, бомазатар мешавад.
