Табиби 54-солаи тоҷик Адолат Ҳамидова, ки рӯзи 12-уми март дар Афғонистон ба ҳалокат расид, дар зодгоҳаш шаҳри Кӯлоб ба хок супорида шудааст.
Гуфта мешавад, ки Ҳамидова ҳашт соли охир дар як бемористони хусусӣ дар ноҳияи Имом Соҳиби Афғонистон ҳамчун пизишки занон фаъолият мекард. Ин ноҳия дар наздикии марзи Тоҷикистон ҷойгир аст.
Ба гуфтаи наздиконаш, ӯ аз ҷониби шахсони ношинос дар хонааш ба қатл расонида шудааст. Ба пушташ як зарбаи корд ва ду зарбаи дигар ба тарафи дил задаанд.
