Дар Хатлон бекор кардани ақди никоҳ нисбат ба соли гузашта камтар шудааст.

Бино ба иттилои Шуъбаи сабти асноди ҳолати шаҳрвандии вилоят, давоми се моҳи соли равон дар вилояти Хатлон 345 ҳолати бекор кардани ақди никоҳ ба қайд гирифта шудааст, ки нисбат ба соли гузашта 104 ҳолат камтар аст. Соли 2025 дар Хатлон 449 оила ақди никоҳи худро бекор карда буданд.

Гуфта мешавад, ки бастани ақди никоҳ низ нисбат ба соли гузашта кам шудааст. Дар семоҳаи аввали соли 2025 дар вилояти Хатлон 7340 оилаи нав бунёд гашта, ақди никоҳи худро расман ба қайд гирифта буданд, вале дар семоҳаи аввали соли равон ҳамагӣ 5 ҳазору 433 ҳолати бастани ақди никоҳ ба қайди давлатӣ гирифта шудааст.