Дастаи мунтахаби бонувони то 20-солаи Тоҷикистон барои ширкат дар бозиҳои дӯстона бо ҳамсолони худ аз Арабистони Саудӣ озими шаҳри Ҷидда шуд.

Бино ба иттилои ТВ “Варзиш”, тими бонувони Тоҷикистон бо дастаи Арабистони Саудӣ ду бозии дӯстона рӯзҳои 25 ва 29-уми октябр баргузор мекунанд.

Бояд гуфт, ки даври аввали марҳилаи интихобии Ҷоми Осиё-2026 байни дастаҳои занонаи то 20-сола аз 8 то 16-уми марти соли оянда баргузор мешавад. Ҳарифони мунтахаби мо дертар муайян мегарданд.

Қобили зикр аст, ки дастаи мунтахаби бонувони Тоҷикистон (U-20) омодагиҳоро ба даври аввали марҳилаи интихобии Ҷоми Осиё-2026 оғоз кард ва дар ҷамъомади тамринии якум, ки дар Душанбе доир шуд, сармураббӣ Юсуф Рабиев 26 бозигарро назорат карда, 22 нафарро ба ҷамъомади дуюм даъват кард. Духтарон дар як рӯз ду маротиба машқ карданд.