Бошгоҳи “Ювентус”-и шаҳри Турин ба харидории ҳамлагари “Аталанта” - Адемола Лукман таваҷҷуҳ дорад. Дар ин бора Tuttosport хабар медиҳад.
Тавре ТВ “Варзиш” бо такя ба Tuttosport иттилоъ додааст, бозигар аз ҷониби тими шаҳри Турин ҳамчун ивазкунандаи Душан Влахович, ки эҳтимолан дастаи худро тарк мекунад, баррасӣ мешавад. Гузариши футболбози тими миллии Нигерия ҳатто дар фасли зимистон имконпазир аст.
Ёдовар мешавем, ки моҳи август ба Лукман дастаи “Интер” низ таваҷҷуҳ нишон дода буд ва барои трансфер ба “Аталанта” €45 млн пешниҳод кард, вале раддия гирифт.
Дар мавсими гузашта, ҳамлагари нигериягӣ дар 40 бозӣ иштирок намуда, 20 гол ва 7 паси головар додааст. Қарордоди Лукман бо “Аталанта” то тобистони соли 2027 амал мекунад ва арзиши бозориаш €60 млн ҳисобида мешавад.
