Зан барои фолбинӣ ба ҷавобгарӣ кашида шуд

Дар ноҳияи Ҷаббор Расулов як сокини 66-сола бо гумони машғул шудан ба сеҳру ҷоду ва фолбинӣ бар ивази маблағ ба ҷавобгарии маъмурӣ кашида шудааст.

Тибқи иттилои мақомоти корҳои дохилӣ, 22-юми октябри соли 2026 зимни баргузории чорабиниҳои оперативӣ-ҷустуҷӯӣ муайян шудааст, ки Раҳимова Шарафнисо Абдумавлоновна, сокини ҷамоати деҳоти Ғӯлакандози ноҳия, дар манзили истиқоматиаш ба фолбинӣ машғул будааст.

Ба иттилои манбаъ, худи номбурда гуфтааст, ки аз соли 1995 ба ин сӯ қобилияти пешгӯии ояндаро пайдо карда, тавассути доира фолбинӣ мекардааст.

Вобаста ба ин ҳолат нисбати ӯ тибқи моддаи 482 Кодекси ҳуқуқвайронкунии маъмурии Ҷумҳурии Тоҷикистон протокол тартиб дода шудааст.