Дафтари матбуоти Бонки миллӣ хабар додааст, ки аз 30-юми октябри соли 2025 ба муносибати 25-умин солгарди истиқрори пули миллӣ - сомонӣ дар кишвар пулҳои 100-сомонии нав ба муомилот бароварда шуданд.

Пулҳои нав мероси таърихӣ ва рушди низоми молии Тоҷикистонро инъикос намуда, дар онҳо нақшҳои фарҳангӣ ва меъморӣ ҳаккокӣ карда шудаанд, ки рамзи гузаштаи ғанӣ ва ҳунари мардуми тоҷик аст.

Пулҳои нав дар баробари дигар 100-сомониҳо дар бозори истеъмолӣ ва муомилоти тиҷоратӣ истифода мешаванд.