Агентии обуҳавошиносии Тоҷикистон иттилоъ додааст, ки рӯзҳои 17-18-уми декабри соли ҷорӣ дар кишвар ҳавои номусоид дар назар дошта шудааст.
Бино ба иттилои манбаъ, дар натиҷаи афзоиши бориши барфу борон ва нармии ҳаво дар ноҳияҳои Ховалинг ва Муъминободи вилояти Хатлон, ҳамзамон дар ноҳияҳои Рашт, Сангвор ва ағбаи Чормағзаки ноҳияҳои тобеи ҷумҳурӣ эҳтимоли омадани селҳо вуҷуд дорад.
Ин манбаъ ҳамчунин гуфтааст, ки дар шоҳроҳи Душанбе - Чаноқ ва мавзеи Майхӯраи ноҳияи Варзоб хатари лағзиши тарма вуҷуд дорад.
Дар ҳамин ҳол, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз сокинон ва меҳмонони кишвар хоҳиш кардааст, ки дар чунин рӯзҳо аз сафарҳои безарурат ба минтақаҳои тармахез худдорӣ кунанд.
