Ҳамаи дастаҳое, ки дар марҳилаи ниҳоии Ҷоми Осиё-2026 байни наврасон (U-17) дар Арабистони Саудӣ бозӣ мекунанд, маълум шуданд. Ин мусобиқа 7-24-уми майи соли 2026 баргузор мешавад.
Дар он ҳамагӣ 16 даста миёни ҳам рақобат мекунанд ва дастаи Тоҷикистон низ ба туфайли иштирок дар Ҷоми ҷаҳон-2025 (U-17) дар Қатар ба он мустақиман роҳхат гирифтааст.
Рӯйхати иштирокчиёни марҳилаи ниҳоӣ бар асоси ду нишондиҳанда муайян шуд: ғолибони гурӯҳҳои интихобӣ ва иштирокчиёни мусобиқоти қаҳрамонии ҷаҳон дар соли 2025.
Дастаҳои иштирокчии Ҷоми ҷаҳон - 2025: Кореяи Шимолӣ, Индонезия, Ҷопон, Ҷумҳурии Корея, Қатар, Арабистони Саудӣ, Тоҷикистон, Амороти Муттаҳидаи Араб (АМА) ва Ӯзбекистон. Ба онҳо 7 дастаи ғолиби марҳилаи интихобӣ ҳамроҳ шуданд: Чин, Яман, Ветнам, Ҳиндустон, Австралия, Тайланд ва Мянма.
Ба ин тариқ, аз минтақаи Осиёи Марказӣ танҳо Тоҷикистон ва Ӯзбекистон бозӣ мекунанд. Қирғизистон ва Туркманистон дар даврҳои интихобӣ ноком шуданд.
Дар ин мусобиқа мунтахаби миллии то 17-солаи Тоҷикистон таҳти роҳбарии мураббӣ Далер Қаёсов бо дастаҳои пурзӯртарини қора рақобат мекунанд.
Маросими қаръакашии мусобиқоти Ҷоми Осиё-2026 (U-17) рӯзи 12-уми феврали соли 2026 баргузор мешавад. Ҳамчунин ин мусобиқа барои мусобиқоти қаҳрамонии ҷаҳон-2026 (U-17) марҳилаи интихобӣ ба шумор меравад.
