Кормандони милитсия дар ноҳияи Фирдавсии шаҳри Душанбе ронандаеро боздошт намудаанд, ки мошинашро ба рӯйи корманди БДА рондааст.
Дар хабар гуфта мешавад, ки Одинаев Аҳлиддин ҳангоми ҳаракат дар ҳудуди бозори «Корвон» қоидаҳои ҳаракат дар роҳро дағалона вайрон намуда, корманди бозрасии давлатии автомобилӣ мошини ӯро нигоҳ доштааст. Аммо ронанда ба ҷойи итоат намудан мошинро ба рӯйи корманди БДА, ки намояндаи қонун мебошад, ронданӣ шудааст.
Айни замон Одинаев аз ҷониби кормандони милитсия боздошт ва нисбаташ парвандаи ҷиноятӣ оғоз карда шудааст.
