11 июн дар шаҳри Алмаато бо ташаббуси Консулгарии генералии Ҷумҳурии Тоҷикистон нахустин Мусобиқа оид ба гуштини тоҷикӣ - «Гуштингирӣ» баргузор гардид.

Гуфта шуд ,ки мусобиқаи мазкур бахшида ба 30-солагии барқарории равобити дипломатии Тоҷикистону Қазоқистон доир шуда, дар он беш аз 100 нафар меҳмонон, аз ҷумла аз Ассамблеяи халқҳои Қазоқистон, роҳбарон ва фаъолони марказҳои фарҳангӣ, донишҷӯён, муҳоҷирони меҳнатӣ, ҳамватанони бурунмарзӣ ва беш аз 28 нафар гӯштингирони касбӣ аз Тоҷикистону Қазоқистон иштирок намуданд.

Ғолибони мусобиқа бо медалу ифтихорномаҳо ва сертификатҳои пулӣ барои ҷойҳои якум, дуюм ва сеюм бо маблағи 100 000, 50 000, 30 000 тенге мукофотонида шуданд.