Кишоварзони шаҳри Конибодом ҷамъоварии пахтаро оғоз намудаанд. Онҳо имсол дар 3901 гектар замин пунбадона кишт кардаанд, ки пурра инкишоф ёфтааст.
Пахта зироати стратегӣ маҳсуб шуда, назар ба дигар зироати кишоварзӣ метавонад манфиати иқтисодӣ ва даромади бештар диҳад. Ҳангоми дуруст риоя кардани агротехникаи парвариши он ҳосили хуб рӯёнида мешавад.
Кишоварзони мамлакат пахтаро бештар барои нахаш парвариш менамоянд. Инчунин аз он чигит, ғӯзапоя, равған, хӯроки чорво ва дигар намуди маҳсулот истеҳсол карда мешавад.
