Имсол дар Тоҷикистон боз як озмуни нав таҳти унвони Озмуни ҷумҳуриявии «Ганҷинаи таърих ва фарҳанги тоҷикон» баргузор хоҳад гашт.

Озмуни мазкур бо ташаббуси Агентии ҳифзи мероси таърихию фарҳангӣ дар байни донишҷӯёни муассисаҳои таҳсилоти миёна ва олии касбии мамлакат гузаронида мешавад.

Ҳадафи асосии озмун тарғиби таъриху фарҳанги миллӣ дар байни ҷавонон, тақвияти ҳисси худогоҳӣ ва худшиносии миллӣ, эҳёи ҳофизаи таърихӣ ва шинохти беҳтари нақши миллати куҳанбунёду фарҳангсолори тоҷик дар рушди тамаддуни инсоният мебошад.