Консули генералии Тоҷикистон Диловар Баҳромзода бо Роҳбари Сарраёсати иқомат ва кор бо шаҳрвандони хориҷии Дубай генерал-лейтенант Муҳаммад Аҳмад ал-Маррӣ мулоқот кард.

Дар мулоқот ҷонибҳо имкони соддагардонидашудаи дарёфти раводид ба Аморати Муттаҳидаи Арабро барои тоҷикон баррасӣ намуда, ба ҷуз ин, сиёсатмадорон масъалаҳои қабули муҳоҷирон ба Аморатро муҳокима карданд.

Дар фарҷоми мулоқот ҷонибҳо аз вазъи кунунии муносибатҳои Тоҷикистону Аморати Муттаҳидаи Араб изҳори қаноатмандӣ намуда, омодагии худро барои таҳкими минбаъдаи ҳамкориҳо изҳор намуданд.