Дар доираи мусобиқоти CAFA имрӯз, 15-уми май дар Варзишгоҳи “ТАЛКО-Арена”-и шаҳри Турсунзода дастаи футболи ҷавонони то 20-сола (U 20 )-и Тоҷикистон бо тими Афғонистон рақобат менамоянд.
Ин бозии тими мазкур дар мусобиқаи Ассотсиатсияи футболи Осиёи Марказӣ (CAFA) буда, соати 17:00 оғоз гардид.
Имрӯз ҳамчунин тими наврасони то 17-солаи Тоҷикистон дар даври ¼-ниҳоии Ҷоми Осиё бо ҳамсолонашон аз Ҷопон рақобат намуда, ҳунару маҳорати варзишӣ ва бахти худро месанҷанд. Ин бозӣ дар варзишгоҳи “King Abdullah Sports City Training Stadium Pitch B”-и шаҳри Ҷиддаи Арабистони Саудӣ соати 21:00 ба вақти Душанбе оғоз хоҳад ёфт.
