Устоди донишгоҳ, академики Академияи миллии илмҳои Тоҷикистон Муҳаммадюсуф Имомзода бо нишони "Ситораи Иттиҳод" сарафроз гардид.

Бино ба иттилои Хазинаи байнидавлатии ҳамкориҳои башардӯстонаи кишварҳои узви Иттиҳоди Давлатҳои Мустақил академики Академияи миллии илмҳои Тоҷикистон, устоди ДМТ Муҳаммадюсуф Имомзода барои саҳм ва дастовардҳои барҷаста дар соҳаи илму маориф барандаи ин ҷоизаи башардӯстонаи ИДМ гардидааст.

Ба устоди гиромӣ ин дастоварди арзишмандро табрику таҳният гуфта, дар фаъолияти илмию эҷодиашон барору комёбиҳо таманно менамоем.