18-уми октябри соли равон Варзишгоҳи марказии шаҳри Истаравшан мизбони бозии финалии мусобиқа барои дарёфти Ҷоми Тоҷикистон мегардад. Дар ин рақобати ҳалкунанда дастаҳои «Сардор»-и шаҳри Турсунзода ва «Хуҷанд»-и шаҳри Хуҷанд барои ба даст овардани ҷоми фахрии мусобиқа нерӯ месанҷанд.
Ин вохӯрии муҳим таваҷҷуҳи ҳаводорони футболро ба шаҳри бостонии Истаравшан ҷалб намуда, бори дигар аз муҳаббату самимияти сокинони он ба варзиш, бахусус футбол шаҳодат медиҳад.
Истаравшан аз ҷумлаи шаҳрҳои бостонӣ ва фарҳангии Тоҷикистон ба шумор рафта, дар баробари таъриху тамаддуни ғанӣ, бо муҳаббати сокинонаш ба варзиш низ шинохта шудааст. Футбол дар байни ҷавонону наврасон ва дигар қишрҳои ҷомеа маҳбубияти хос дошта, мухлисони сершумори ин намуди варзиш ҳамеша бо шавқу завқи зиёд бозиҳои футболро пайгирӣ мекунанд.
Баргузории бозии финалии Ҷоми Тоҷикистон дар Истаравшан барои мухлисони маҳаллӣ имкони хубест, то аз наздик шоҳиди рақобати дастаҳои финалист шуда, аз лаҳзаҳои ҳаяҷонбахши футбол баҳра баранд. Интизор меравад, ки рӯзи бозӣ варзишгоҳро мухлисони зиёде фаро гирифта, фазои идонаи футбол ҳукмфармо гардад.
Дар бозии ҳалкунанда ҳар ду даста барои ба даст овардани ғалаба ва соҳиб шудан ба Ҷоми Тоҷикистон талош хоҳанд кард. Чунин рақобатҳо на танҳо барои футболбозон аҳаммияти бузург доранд, балки барои мухлисон низ лаҳзаҳои хотирмон ва ҳаяҷонбахшро фароҳам меоранд.
Мухлисони Истаравшан ҳамеша бо шавқу завқи зиёд бозиҳои футболро пайгирӣ намуда, бо ҳузури худ дар варзишгоҳҳо ба бозигарон нерӯи тоза мебахшанд. Дастгирии мухлисон яке аз омилҳои муҳими ҷолибияти рақобатҳои варзишӣ ба ҳисоб рафта, ба боз ҳам бештар гардидани шавқу рағбати ҷавонон ба футбол мусоидат мекунад.
Ҳамин тариқ, 18-уми октябр шаҳри Истаравшан мизбони бозии муҳими футболи кишвар хоҳад буд. Дар ин рӯз дастаҳои «Сардор»-и Турсунзода ва «Хуҷанд»-и шаҳри Хуҷанд барои ба даст овардани Ҷоми Тоҷикистон рақобат намуда, кӯшиш мекунанд, ки мавсими мусобиқаро бо натиҷаи дилхоҳ ҷамъбаст намоянд.
Абдуғаффор ШОДИЕВ
