Дастаи мунтахаби футболи Тоҷикистон ба Ҷоми Осиё-2027 роҳхат гирифт.

Дар бозии ниҳоии даври интихобӣ, ки 31-уми март дар варзишгоҳи марказии шаҳри Ҳисор баргузор шуд, Тоҷикистон бо тими Филиппин бо ҳисоби 1:1 мусовӣ кард. Голи ягонаи дастаи кишварро Шериддин Бобоев ба самар расонд.

Тоҷикистон дар гурӯҳи «А» бо Филиппин, Тимори Шарқӣ ва Молдив рақобат намуда, пас аз 6 бозӣ бо 14 имтиёз зинаи аввалро ишғол кард. Ҳарчанд Филиппин низ ҳамин миқдор имтиёз дошт, аммо бо сабаби таносуби беҳтари тӯбҳо тими Тоҷикистон пешсаф дониста шуд.

Ҷоми Осиё-2027 аз 15-уми январ то 8-уми феврали соли 2027 дар Арабистони Саудӣ баргузор мегардад.

Дар марҳилаи интихобӣ 24 даста ба 6 гурӯҳ тақсим шуда буданд ва танҳо ғолибони гурӯҳҳо ба қисми ниҳоӣ роҳ ёфтанд. Дар маҷмуъ, дар мусобиқаи ниҳоӣ 24 даста иштирок мекунанд.