Бошгоҳи футболи “Регар-ТадАЗ”-и шаҳри Турсунзода дар доираи бозии даври муқаддамотии Лигаи даъвати Конфедератсияи футболи Осиё-2026/27 дар сафар муқобили дастаи “Мазия”-и Малдив ба майдон омад.
Бино ба иттилои ТВ “Варзиш”, дар мубориза барои роҳ ёфтан ба марҳилаи гурӯҳии мусобиқаи мазкур “регариҳо” бо ҳисоби бузурги 3:0 пирӯз шуданд.
Голҳои барандаи Ҷоми Тоҷикистон-2025-ро Озодбек Панҷиев дар дақиқаи 51-ум, Шерзод Муҳаммадиев дар дақиқаи 88-ум ва Амирҷон Сафаров дар дақиқаи 90+2-юм ба ҳадаф расониданд.
