Сокини Канада ҳамчун марди ришдарозтарин эътироф гардидааст. Нигоҳубини риш ба ин марди ҳинду имкон дод, ки бори сеюм рекорди ҷаҳонӣ ба даст орад.

Нахуст соли 2008 вақте дарозии риши Сарван Сингх ба 2, 33 метр расид, рекорди қаблиро, мутаалиқ ба Биргер Пеллас, ки дарозии ришаш 1, 77 метр буд, бекор намуд. Соли 2010 дарозии ришаш 2,495 метрро дар бар мегирифт.

Айни замон он ба 2,54 метр расидааст. Сарван сикхизмро мепарастаду ришашро аз 17-солагӣ қайчӣ накардааст. Барои нигоҳубини ришаш вақти зиёд ҷудо мекунад, ҳамарӯза онро шуста шона мекунаду аз маҳлулҳои махсуси тақвиятбахшанда истифода мебарад.