Ширкати Formula55 натиҷаҳои мавсими варзишии соли 2025-ро ҷамъбаст намуда, маросими «Беҳтарин варзишгари соли 2025»-ро бо иштироки варзишгарон, мураббиён, намояндагони федератсияҳо ва ҷомеаи варзишӣ баргузор кард.
Ин маросим аз соли 2010 инҷониб баргузор карда мешавад, ҳар сол беҳтарин намояндагони соҳаи варзишро қадрдонӣ менамояд. Ҳадафи асосии он — эътирофи заҳмати варзишгарон, дастгирии истеъдодҳои нав ва рушди варзиш дар кишвар мебошад.
Дар номинатсияи «беҳтарин варзишгарони ҷавонон ва ояндадор» шомил шуданд.
Ояндаи варзиш аз ҷавонони имрӯз вобаста аст. Дар соли 2025 унвони варзишгарони ояндадор ва мукофотпулӣ дар ҳаҷми 5 555 сомонӣ насиби Раҷабов Муҳаммадӣ ва Аҳмади Фатҳиддин гардид. Онҳо бо натиҷаҳои баланд дар мусобиқаҳои байналмилалӣ исбот карданд, ки варзиши тоҷик дорои захираи пурқуввати насли нав мебошад.
Номинатсия «Мураббии сол»
Ғолиби номинатсияи «Мураббии сол» Муртазо Носиров эълон гардид. Саҳми ӯ дар омодасозии варзишгарони сатҳи байналмилалӣ назаррас буда, фаъолияти пайгиронааш намунаи масъулият ва касбияти баланд арзёбӣ шуд. Маблағи мукофотпулӣ 5 555 сомониро ташкил дод.
Дигар номинатсияҳо
Дар доираи маросим як қатор варзишгарони барҷаста бо мукофотпулӣ дар ҳаҷми 10 000 сомонӣ қадрдонӣ шуданд. Ба ин рӯйхат Хусравхон Раҳимов, Яасмин Ан-Нимр, Баҳодур Усмонов, Обид Ҷебов, Нуриддин Ҷабборов ва Давлатманд Одинаев шомил гардиданд. Ҳар яки онҳо бо натиҷаҳои назаррас дар мусобиқаҳои сатҳи ҷаҳонӣ ва минтақавӣ саҳми худро дар рушди варзиш гузоштаанд.
Ҷоизаи асосӣ
Лаҳзаи асосии шом эълони «Беҳтарин варзишгари соли 2025» буд. Ин унвон ва мукофотпулӣ дар ҳаҷми 55 000 сомонӣ ба Муҳиддин Асадуллоев тақдим гардид. Ӯ бо пирӯзиҳо дар мусобиқаҳои байналмилалӣ ва бо маҳорати баланд ба рамзи ирода, устуворӣ ва рӯҳи ҳақиқии варзишгарӣ табдил ёфтааст.
Натиҷа ва паём
Ҷоизаи имсола бори дигар нишон дод, ки варзиш дар кишвар босуръат дар ҳоли рушт қарор дорад. Истеъдодҳои ҷавон бо эътимод қадам мегузоранд, мураббиён насли навро тарбия мекунанд ва варзишгарони пешсаф натиҷаҳои арзанда дар арсаи ҷаҳонӣ нишон медиҳанд.
Маросими ҷоизасупории «Беҳтарин варзишгари соли 2025» аз рӯйи версияи Formula55 на танҳо як чорабинии тантанавӣ, балки рамзи эътирофи заҳмат, садоқат ва талош барои пирӯзию муваффқиятҳои нав ба нав мебошад.
