Маҳсулоти лозима:

1 истакон кефир, 2 тухм, 2 истакон орд, 3 қошуқ равғани растанӣ, 0,5 қошуқча намак.

Барои қимма:

1 бонка моҳии консервашудаи скумбрия, 1 бандча пиёзи сабз.

Тарзи таҳия:

Аз кефиру тухм, равғани растанӣ ва орд хамири қаймоқмонанд омода созед. Баъдан ними хамирро ба даруни тоба рехта, аз рӯяш моҳии консервашударо, ки қаблан бо чангак омезиш дода шудааст, тунук кунед ва кабудӣ пошед. Хамири боқимондаро аз рӯяш рехта, дар ҳарорати 180 дараҷаи тафдони муддати 30-40 дақиқа пазед.