Шоҳмотбозони тоҷик Мустафохӯҷа ва Муҳаммад Ҳусенхоҷаевҳо дар мусобиқаи байналмилалии “Budapest One Week August 2026” дар шаҳри Будапешти Маҷористон натиҷаи назаррас ба даст оварданд.

Мусобиқа рӯзҳои 8-14-уми август баргузор шуда, дар он шоҳмотбозон дар гурӯҳи устодони байналмилалӣ барои ҷойҳои ифтихорӣ рақобат карданд. Мустафохӯҷа Ҳусенхоҷаев дар 9 бозӣ 7 имтиёз ба даст оварда, дар садри ҷадвали мусобиқа қарор гирифт. Бародараш Муҳаммад Ҳусенхоҷаев низ бо касби 7 имтиёз мақоми сеюмро соҳиб шуд.

Ҳамин тариқ, ду ҷойи сегонаи беҳтаринро шоҳмотбозони тоҷик ишғол карданд. Ин натиҷа барои варзиши шоҳмоти Тоҷикистон дар арсаи байналмилалӣ дастоварди қобили таваҷҷуҳ ба ҳисоб меравад.