Сароядаи ҷавону умедбахши тоҷик Ёсамин Давлатова вақтҳои охир зуд-зуд ба мухлисонаш сюрприз мекунад.
Ӯ барои боз ҳам ҷаззобтар гаштани сурудҳояш бо сарояндаҳои маҳбуби хориҷӣ, аз ҷумла Ӯзбекистон ҳамкорӣ намуда, клиптаронаҳои ҷолибро ба мухлисони савту наво пешкаш месозад, ки аз ҷониби мардум хеле гарм қабул карда мешавад.
Рӯзи гузашта Ёсамин клиптаронаи навашро бо номи “Девона” дар ютуб- канали хеш пахш кард, ки дар он ҳунарманди ӯзбек нашқ офаридааст.
Ин клиптаронаро Ёсамин бо сабки хосае пешниҳод намуда, онро дар муддати 20 соат зиёда аз сад ҳазор нафар тамошо карданд ва ба суруд баҳои баланд доданд.
Ёдовар мешавем ки чанд моҳ қабл ҳам ин бонуи ҳунар ҳамроҳи сарояндаи Ӯзбекистон Ҷамбул Муҳаммедов бо номи “Ёрма надидам” таронаеро пешниҳод карда буданд, ки миллионҳо нафар онро тамошо карданд.
