Дар ҷомеаи мо занҳои пулпарасте ҳастанд, ки танҳо мардҳои пулдорро «шикор» карда мегарданд. Аз рӯйи кадом аломатҳо пулпараст будани занро фаҳмидан мумкин аст? Зани пулпараст мардро дар зиндагӣ хушбахт мекунад ё бадбахт?

Аз рӯзи аввали вохӯрӣ зани пулпараст дар бораи вазъи иқтисодии мард маълумот меҷӯяд. Тақрибан 30% -и бонувон чунин одат доранд, бинобар ин, ҳайрон нашавед, ки мардони дасткушод чаро якбора мисли динозаврҳо аз рӯйи замин ғайб задаанд. Хонумҳои чаққони тамаъкор кайҳо чунин ҳотамсифатонро ба домашон афтонда, аз худ намудаанду шумо бошед, то ҳол чашонатонро молида гаштаед.

Гап дар сари он аст, ки мардони сарватманд чӣ тавр ба доми зани пулпараст афтиданашонро худашон ҳам нафаҳмида мемонанд, чунки ин тоифаи занҳо бисёр  маккора буда, сад рӯй доранд. Дар оғоз зани пулпараст мисли шикорчии моҳир барои ба дом афтонидани сайдаш бисёр зиракона рафтор намуда, тавре вонамуд мекунанд, ки гӯё ин мардро аз ҷонашон бештар дӯст медоранд. Мардони пулдори ҳушёре ҳастанд, ки ба зудӣ асли ин бонуро пай бурда, худро аз зани пулпараст дар канор мегиранд, вале на ҳама мардҳо чунин одамшинос ҳастанд.  Рафту мард хонуми пулпарастро аз ҷонаш бештар дӯст дошта ба занӣ бигирад, вой бар ҳолаш. Ин зан оқибат ӯро хонасалот мекунад.

Мардоне, ки шаттаи зани пулпарастро хӯрдаанд, минбаъд ҳангоми муносибат бо хонумҳо бисёр эҳтиёткор ва камгапу зихна мешаванд.