Субҳи имрӯз, 11 ноябр соати 6:24 дақиқа дар Душанбе зилзила рух дод. 

Мувофиқи маълумоти аз Хадамоти геофизикии Академияи миллии илмҳои Ҷумҳурии Тоҷикистон гирифташуда, санаи 11 ноябри соли 2023 соати 06:24 дақиқа дар  қаламравӣ Ҷумҳурии Тоҷикистон заминларза ба қайд гирифта шуд, дар ин бора аз КҲФ ба мо хабар доданд. 

Маркази заминларза 31 километр ҷанубу шарқӣ аз шаҳри Душанбе, 22 километр аз шаҳри Норак, дар Ҷумҳурии Тоҷикистон буда, қувваи заминларза дар марказаш  4-балл, ва дар шаҳри Душанбе 2-3-баллро ташкил дод. 

Тибқи маълумотҳои гирифташуда, дар натиҷаи заминларза хисорот ва талафоти ҷонӣ ба қайд  гирифта нашудааст.