Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ҳушдор дод, ки аз 27 то 29-уми январ дар баъзе минтақаҳои ҷумҳурӣ хавфи бештари фаромадани тарма пешгӯӣ карда мешавад.
- Аз эҳтимол дур нест, ки фаромадани тарма дар шоҳроҳи Душанбе - Чаноқ (километрҳои 48-74), минтақаҳои тармафарои Майхӯра ва Зиддеҳи ноҳияи Варзоб, ноҳияҳои кӯҳии тобеи ҷумҳурӣ, инчунин минтақаҳои Манем, Вуж, Тангив ва Бидуи ноҳияи Шуғнони Вилояти Мухтори Кӯҳистони Бадахшон рух диҳад.
