Дар ноҳияи Мир Сайид Алии Ҳамадонӣ зеристгоҳи нави «Чӯбек» бо шиддати 110 кВ сохта шуд.
Ин нахустин зеристгоҳи чунин иқтидор дар ноҳия буда, барои таъмини боэътимоди барқи аҳолӣ, муассисаҳо ва корхонаҳо пешбинӣ шудааст. Барои пайвастшавӣ ба низоми ягонаи энергетикӣ хати барқи 14,5-километра аз зеристгоҳи «Кӯлобдарё»-и ноҳияи Восеъ сохта шудааст.
Зеристгоҳи нав сарбории шабакаҳои мавҷударо коҳиш дода, метавонад ба рушди минбаъдаи иқтисодиву иҷтимоии ноҳия такони ҷиддӣ бахшад.
