Зимни шиносоии масъулин бо ҷараёни ҷамъоварии пахта аз хоҷагии деҳқонии «Ғуфронзодаҳо»-и ҷамоати деҳоти Мастчоҳ иттилоъ дода шуд, ки дар 44 гектар навъҳои гуногуни пунбадонаи элитаи чинӣ кишт карда шудааст. Хоҷагидорон ният доранд аз ҳар гектар то 50-сентнерӣ ҳосил ба даст оранд.
Соли равон танҳо дар ҷамоати деҳоти Мастчоҳ дар 2770 гектар пахта кишт карда шудааст. Кишоварзон бо истифодаи таҷриба ва усулҳои нави агротехникӣ талош доранд сатҳи ҳосилнокиро боло бурда, нақшаи пешбинишударо сари вақт ва бо сифати баланд иҷро намоянд.
Имсол кишоварзони ноҳияи Мастчоҳ дар 10 ҳазору 280 гектар чигит кишт намудаанд. Интизор меравад, ки бо заҳмати содиқонаи деҳқонон ва истифодаи таҷрибаи муосири агротехникӣ ҳосили дилхоҳ ба даст оварда шавад.
