formula55
Қирғиззане, ки 40 сол боз табиби тоҷикон аст
3090
Қирғиззане, ки 40 сол боз табиби тоҷикон аст

 

Давоми 40 сол боз дар деҳаи Санҷидзори ҷамоати деҳоти Лоҳутии шаҳри Конибодом беморон аввал ба назди Нусрат Турабоева мераванд.

Турабоева агарчи хатмкардаи Омӯзишгоҳи тиббии шаҳри Хуҷанд асту ҳамчун ҳамшираи шавқати маркази саломатии деҳа кор мекунад, аммо давоми фаъолияти бисёрсолаи корӣ таҷрибаи зиёд андӯхта, ба гуфтаи сокинони деҳа аз ягон духтури соҳибтахассус камӣ надорад.

Мо бо Нусрат дар як деҳа калон шудем. Ҳама ӯро ҳамчун инсон ва мутахассиси хуб мешиносанду ҳурматаш мекунанд. Агар касе бемор шавад, рӯз ё шаб нагуфта, кӯмак мекунад. Ӯ ба мардум саломатӣ мебахшад. Табиби донишманду бомаҳорат ва дилсӯзу ғамхор аст.

Нусрат Турабоева дар деҳаи Санҷидзор таваллуд шудаву ин ҷо зиндагӣ мекунад. Ӯ баҳри ҳифзи саломатии мардуми деҳа солҳои дароз заҳмати зиёд кашида истодааст. Вай бидуни истисно тамоми оилаҳои ҳамдеҳагонашро мешиносаду метавонад ба кадом намуди беморӣ майл доштани ин ё он авлодро ба осонӣ гӯяд.

Ҳаводиси охири марзӣ барои Нусрат Турабеваи қирғизтабор ва ҳамдеҳагони тоҷикаш имтиҳони бузургеро пеш овард. Он шабу рӯз ва баъди он ҳам муносибати ягон нафар аз сокинони деҳаи Санҷидзор, ки аксаран тоҷиконанд, бо ӯ тағйир наёфт. Зеро ҳамаи онҳо медонанд, ки Нусрат барояшон хидмати зиёд карда истодааст ва чӣ гуна инсон аст.

Нусрат Турабоева Тоҷикистонро ватан медонаду зиёд дӯст медорад ва аз ин ифтихор мекунад.
Интервю

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД