Ситоди мураббиёни дастаи мунтахаби Тоҷикистон таҳти роҳбарии Горан Стеванович ҳайати бозигаронро барои бозии интихобии Ҷоми Осиё-2027 бар зидди Тимори Шарқӣ, ки 18-уми ноябр дар Дарвини Австралия баргузор мешавад, эълон кард.
Бино ба иттилои ТВ “Варзиш”, рӯйхати дастаи мунтахаби Тоҷикистон 24 бозигарро дар бар мегирад - 3 дарвозабон, 8 ҳимоятгар, 9 нимҳимоятгар ва 4 ҳамлагар.
Дастаи мо ба Австралия сафар мекунад ва онҷо барои бозӣ бо Тимори Шарқӣ омодагӣ мебинад.
Вохӯрии интихобии Ҷоми Осиё-2027 дар гурӯҳи «А» байни яккачинҳои Тимори Шарқӣ ва Тоҷикистон 18-уми ноябр дар ҳудуди варзишгоҳи Лигаи регбии шаҳри Дарвини Австралия баргузор гашта, соати 16:00 ба вақти маҳаллӣ (11:30 ба вақти Душанбе) оғоз мешавад.
Ҳайати мунтахаби Тоҷикистон барои бозии интихобии Ҷоми Осиё-2027 муқобили дастаи Тимори Шарқӣ:
Дарвозабонҳо: Рустам Ятимов («Ростов», Россия), Олег Баклов («Туран Товуз», Озарбойҷон), Далер Азизов («Ҳосилот»).
Дифоъгарон: Зоир Ҷӯрабоев («Суғдиёна», Ӯзбекистон), Меҳрубон Каримов («Локомотив», Гурҷистон), Аҳтам Назаров, Манучеҳр Сафаров, Табрез Исломов, Содиқҷон Қурбонов (ҳама аз «Истиқлол»), Алиҷон Кароматуллозода («Равшан»), Мусо Каҳоров («Барқчӣ»).
Ниммуҳофизатгарон: Парвизҷон Умарбоев («Локомотив», Булғористон), Амирбек Ҷӯрабоев, Эҳсони Панҷшанбе, Муҳаммадҷон Раҳимов (ҳама аз «Истиқлол»), Алишер Шукуров («Хуҷанд»), Шервонӣ Мабатшоев, Далер Имомназаров (ҳарду аз «Регар-ТадАЗ»), Азизбек Ҳаитов («Равшан»), Ҷовидон Хушвахтов («Барқчӣ»).
Ҳамлагарон: Шаҳром Самиев («Хоразм», Ӯзбекистон), Рустам Соиров («Истиқлол»), Нуриддин Ҳамроқулов («Вахш»), Шериддин Бобоев («Равшан»).
Сармураббӣ: Горан Стеванович (Сербия).
