Худованд ӯро ширин офаридааст. Чеҳрааш, садояш, нозу ишваҳояш, сар то пояш мисли номаш Ширин аст.
Ширин табассум мекунад, ширин ҳарф мезанад ва чунон ширин роз мегӯяд, ки кас аз шунидани қиссаҳои зиндагиаш ҳеҷ сер намешавад.
Кист ӯ?
Ширинмоҳ Ниҳолова!
Раққосаи моҳир
Сарояндаи ширинсадо
Зане, ки сар то по ҳунар аст, ишқ аст, ноз асту роз аст.
Солҳост, ки дар бораи ӯ мардум миш-миш мекунанд, қисса мебофанд, достон месозанд, хулоса мегӯянду мегӯянд...
Ин овозаю ҳангомаҳо то куҷо ҳақиқат доранд? Дар асл Ширинмоҳ чи рӯзу рӯзгоре дошт ва дорад?
Барои ба ин саволҳо посух гирифтан мо худи Ширинмоҳ Ниҳоловаро ба студияи сомонаи Оила-ТЧ даъват намудем. Мехоҳед ҳақиқати зиндагии ин зани фариштахисолро бидонед? Пас ба суҳбати мо бо Ширинмоҳ мутаваҷҷеҳ бошед!
