Маркази миллии тестии назди Президенти Тоҷикистон натиҷаҳои тақсимоти асосии довталабонеро, ки дар даври сеюми имтиҳонҳои марказонидаи дохилшавӣ (ИМД) иштирок кардаанд, эълон намуд.
Тибқи натиҷаҳо, 16 ҳазору 362 довталаб ба муассисаҳои таҳсилоти миёна ва олии касбии кишвар дохил шуданд. Аз ин шумора 11 ҳазору 488 нафар хатмкардаи синфи 11, 4 ҳазору 874 нафар хатмкардаи синфи 9 мебошанд. Тақсимоти такрории даври сеюми ИМД то 9-уми октябр баргузор мешавад. Дар он довталабоне иштирок карда метавонанд, ки дар даври сеюм холҳои гузаришро ба даст овардаанд.
Натиҷаҳои тақсимоти такрорӣ 11-уми октябр эълон мешаванд.
