Аз кишвари мо 322 068 нафар ба муҳоҷирати меҳнатӣ рафтаанд, ки 57 451 нафарашон занон буда, нисбат ба ҳамин давраи соли гузашта ду маротиба зиёд мебошад.
Ширин Амонзода, вазири меҳнат, муҳоҷират ва шуғли аҳолӣ дар нишасти хабарии имрӯза ин нуқтаро зикр намуданд. Дар илова қайд карда шуд, ки тибқи шартномаҳои ҳамкорӣ барои сафарбаркунии муҳоҷирони меҳнатӣ ба Бритониёи Кабир то имрӯз 126 нафар раводид гирифта, ба ин кишвар сафар намуда, 200 нафари дигар интизори ба даст овардани раводид ҳастанд. Ин муҳоҷирон ба корҳои мавсимӣ дар гармхонаҳо ҷалб мешаванд.
