Муҳаммад Яъқубов барои камарбанди қаҳрамонӣ мубориза мебарад
Боксчии тоҷик Муҳаммад Яъқубов дар мусобиқаи PROBOX CHAMPIONSHIP SERIES барои ба даст овардани камарбанди қаҳрамонӣ вориди ринг мешавад.
Ҳарифи ӯ муштзани мағлубнашудаи муғул Эрдэнэбат Тсэндбаатар хоҳад буд. То имрӯз Яъқубов дар корномаи касбии худ 23 пирӯзӣ, як бохт ва як мусовӣ дорад. Ҳарифи ӯ бошад, дар 15 рақобати анҷомдодааш шикаст нахӯрдааст.
Ин рақобат дар иёлати Техаси ИМА баргузор шуда, оғози он соати 02:00 бо вақти Тоҷикистон дар назар аст.
