Аз куштори бераҳмонаи донишҷӯи Донишгоҳи Давлатии Тиҷорати Тоҷикистон Дилмурод Фозилов ба дасти донишҷӯи дигари ҳамин донишгоҳ Убайдулло Қурбонов қариб 20 рӯз гузашта бошад ҳам, овозаю ҳангома ва сару садоҳо дар бораи ин ҳодисаи нохуш то ҳол хомӯш намегарданд.
Яке мегӯяд, ки ин ҷавон ба як духтар ошиқ шуда, билохира кордзанӣ кардаанд, дигарӣ моҷароро ба пул нисбат медиҳад, саввумӣ ҳадс мезанад, ки онҳо ҳанӯз аз даврони мактабӣ бо ҳамдигар хусумат доштаанд. Барои фаҳмидани асли ҳодиса мо бо модари Дилмурод Лолахон Расулова ва устодону ҳамсабақони ин ҷавони ормонӣ ҳамсуҳбат гаштем.
