Шоми имрӯз тобути боз як ҷавони тоҷикро аз вилояти Якутияи Русия ба Тоҷикистон меоранд...
Шаби гузашта дар шаҳри Мирный ҳодисаи нохуше ба амал омада, боиси марги як ҷавони муҳоҷири тоҷик бо исми Исмоил Розиқов гаштааст. Тавре ки Муҳамммад Абдулло, як корбари фаьоли Фейсбук дар сӯҳбат бо хабарнигори сомонаи Оила. ТҶ гуфт:
-Исмоил Розиков зодаи ноҳияи Восеъи Вилояти Хатлон буда, зимни иҷрои корҳои сохтмонӣ дар шаҳри Мирный аз ошёнаи шашум афтида, дар ҷойи ҳодиса ҷон додааст.
Ҳанӯз маълум нест, ки ин муҳоҷири тоҷик тасодуфан аз ошёнаи шашум афтидааст, қасдан худро аз баландӣ партофт ё душманонаш ӯро бо ҳамин роҳ ба ҳалокат расонида, аз ҷавобгарӣ дар амон мондан мехоҳанд, вале кормандони мақомоти ҳифзи ҳуқуқи Якутия аз пайи таҳқиқи сабабҳои марги Исмоил Розиқов ҳастанд ва умедворем, ки ҳақиқатро рӯйи об мебароранд.
Муҳоҷирони бо нангу номуси тоҷик, ки дар Якутия кору зиндагӣ мекунанд, барои интиқоли ҷасади ин ҷавони ноком ба Ватан пул ҷамъ карда истодаанд. Интизор меравад, ки тобути ин ҷавони восеъгӣ шоми имрӯз бо тайёра ба шаҳри Душанбе оварда шуда, пасон ба зодгоҳаш фиристода мешавад.
